有時即使係用到6000# 咁高號數，新鮮磨起的刃口用指頭仍能摸出鋸齒顆粒感 — 原因係刃口上仍然帶有毛邊及碎屑，如果置之不理除左鋒利度會打折扣之外，直接拎去切食物呢d鋼屑好大機會係食埋落肚 ...
而皮革表面正好可以溫柔地「捽甩」毛邊又唔會損傷薄如蟬翼既刃口。正確不傷皮革既使用方法係「以刀背行先」，用一個比磨刀稍高的角度在皮面拖曳刃口；來回二十次左右(視乎刃口鋼材、角度、最後一塊石的粗幼等因素而變)。記得不要刻意施加壓力，只要自然地輕力拖過；否則皮面很快會被劃花，而不平整的皮面又會對盪刀效果大打折扣。此外不少人會選擇塗上青蠟/鑽石膏當拋光板使用，作為工具的刀而言問題不大，但如果係廚刀就可免則免；因為研磨粒子大多難以清洗乾淨，很容易就會沾染到食物之上。
順帶一提既係好多人都誤以為「革砥」叫做「砥」又係「最終仕上」，而用完又真係利左同「令」左；就理所當然地同一般磨刀石一樣有個號數。但事實上磨刀石號數常用的Grit / mesh 單位乃係標示研磨粒子的大小，皮革本身係不具任何研磨粒子(除非自己搽上去)，所以係唔可能有號數！
Commenti