磨刀小竅訣

早排不約而同有幾位刀友都問店長點解把刀好似翻磨過開始就無咁利 / 好快又鈍返，最近店長正好拍到新鮮的實例可以解釋： 原則上鈍刀首先係要用粗石磨出一個新刀鋒，然後再將新鋒打磨光滑；尖尖越滑越細，切割感越鋒利。 而關鍵就在於粗石研磨呢一步，必須徹底推出毛邊然後磨到甩為止先算完成；成功的話會好似影片一樣(磨多一下就會甩了，店長特登留住拍片的)。否則後面的拋光磨到既只係舊刃口的毛邊而已。 簡單來講研磨不足一樣可以造出新鋒，但係呢個新鋒只係由舊鋒的材料堆積出來，並非去除舊料用底下的新料造鋒；所以短時間內會有非常鋒利的假象(但好快又鈍)、又或者你鋒口上會有一條納米小蛋捲(磨極都唔利)。